Öllum er mikilvægt að fá tækifæri til að takast á við áskoranir og vaxa og eflast í lífi og starfi. Jafnframt viljum við njóta okkar, ná árangri, eiga líf í jafnvægi og elta drauma okkar. Með fjölþætta reynslu af því að vinna með fólki aðstoða ég stjórnendur og starfsfólk við að greina tækifæri, takast á við breytingar og styrkja stöðu sína. 

​

Ég hjálpa fólki:

• Að líða betur í krefjandi aðstæðum.

• Að takast á við og stjórna streitu.

• Að verða skilvirkari og ná meiri árangri.

• Að standast kröfur og væntingar án þess að líf og heilsa líði fyrir.

• Að öðlast jafnvægi í lífinu.

• Að rísa upp í áskoranir sína og drauma.
   

​

Markþjálfun:

Markþjálfun er aðferðafræði sem miðar að því að hjálpa fólki að vinna úr ákveðnum málum og ná meiri árangri. Að öðlast skýrari sýn á málin, skoða alla fleti þess og samtímis að leggja drög að mögulegum leiðum svo hægt sé að raungera þá sýn, óskir og markmið sem unnið er að hverju sinni. Þetta er afar valdeflandi og árangursríkt ferli og einhver skilvirkasta aðferð til að koma auga á tækifæri, ná tökum á breytingum, skilgreina væntingar og ná þeim árangri sem stefnt er að.

​

​

Streitumarkþjálfun og streituráðgjöf:

Streitumarkþjálfun er frábrugðin hefðbundinni markþjálfun að því leiti að hér er einnig unnið með ráðgjöf og fræðslu. Streitumarkþjálfun byggir á þremur þáttum: 

1. Streitulosun – þar sem unnið er að því að róa streitukerfið og koma líkamanum í jafnvægi á ný.

2. Markþjálfun - þar sem unnið er úr persónulegum streitutengdum áskorunum hvers og eins.

3. Fræðslu og ráðgjöf um streitu og streitustjórnun.

​​

Árangur streitumarkþjálfunar:

• Þú kemst í jafnvægi á ný.

• Þú lærir að þekkja streitueinkennin þín og hvað þau þýða.

• Þú lærir að skilja streituvalda þína og hvernig má vinna úr þeim.

• Þú öðlast verkfæri og færni til að takast á við streitu.

• Þú nærð tökum á streitustjórnun til framtíðar.

​

Nánari upplýsingar um streitu, streituúrvinnslu og streitumarkþjálfun má finna á síðunni minni streita.is

​

Aðferðafræði streitumarkþjálfunar/-ráðgjafar sem ég vinn eftir var prófuð vísindalega í rannsókninni COPESTRESS á Vinnu- og umhverfislækningadeild Bispebjerg sjúkrahússins í Kaupmannahöfn. Um er að ræða sannreynda streituúrvinnslu, fræðslu og fyrirbyggjandi streitustjórnun - rannsókn sem sýndi einkar mikinn árangur einstaklinga í að ná tökum á streitu og koma veikindaskráðum til starfa á ný. 

​

​

Mentorþjónusta:

Sem mentor hjálpa ég fólki að takast á við starfstengdar áskoranir. Hjálpa þeim að vinna úr ákveðnum málum sem þau eru að glíma við. Jafnframt hjálpa ég þeim sem þess óska að skilgreina áherslur og mælikvarða til samræmis við stefnu fyrirtækisins og að leggja drög að og leiða þær umbætur sem kunna að vera þarfar. Ég aðstoða einnig við að styrkja persónulega færni, getu og þekkingu til að efla frammistöðu, trúverðugleika og árangur í starfi og tryggja að bæði persónulegum væntingum sem og kröfum fyrirtækisins sé mætt.

​

​

​

Ég hef lokið ICF vottuðu ACC markþjálfanámi hjá Evolvia ehf og er vottaður streitumarkþjálfi frá Forebyg Stress ApS í Danmörku. Jafnframt hef ég sótt fjölda námskeiða og ráðstefna á sviði stjórnunar, hvatningar og eflingar mannauðs og staðið fyrir verkefnum sem lúta að eflingu stjórnenda og stuðla að frekari sjálfstæði þeirra í starfi.